හතර වරං රැකවරණෙන්
නෑ සියන්ගෙ අසිරි අරන්
පාන්දරින් රැජිණෙ නැගල
කොළඹ ආවෙ මං
සහතික මිටි තුරුළු කොරං
බඩ වියතක් හොයං ගොහිං
කොළඹ ඇවිත් කට්ට කාපු
පට්ට පොරක් මං...
ලෑලි මුඩුක්කුවක ඉඳන්
චීත්ත රෙද්දක් පටලන්
ඉඳුල් කොරහ කැළණියේදි
විසිකෙරුවත් බං
කොට සායක් හිරට ඇඳං
බඩෙන් බාගයක් පෙන්නං
යන උන් මම දැක්කෙ මචං
කොළඹ හතේ බං...
කළු දුම් රොටු රටා මැදින්
නිල් අහසේ සුදු පාටින්
ජීවිතයට පාර කිව්වෙ
කළු කපුටොයි බං
ඒ පෙන්නපු පාර මිසක්
විළවුන් වල සුවඳ දිගේ
ගිහින් ජීවිතේ නිකම්ම
පරදින්නෑ මං...
No comments:
Post a Comment